வெளிநாடுகளுக்கு ஏற்றுமதியாகும் ‘தூத்துக்குடி கருவாடு’

தூத்துக்குடி கருவாடு வெளிநாடுகளுக்கு ஏற்றுமதி

Hindinewslive247.com – வ ள ந ட கள க க – தூத்துக்குடியில் தயாரிக்கப்படும் கருவாடு வெளிநாடுகளுக்கு கப்பல் மூலம் ஏற்றுமதி செய்யப்படுகிறது. தொழில் நகரமாக வளர்ச்சி அடைந்து வரும் தூத்துக்குடி தனது போக்குவரத்து அமைப்புகளுடன் தொழில் வளர்ச்சிக்கு உதவி செய்கின்றது. துறைமுகம், விமான நிலையம், ரெயில் நிலையம், பஸ் நிலையங்கள் என முழு வசதிகளும் கிடைக்கின்றன.

மீன்பிடி தடைகாலம் முடிந்து விசைப்படகுகள் மீண்டும் கடலுக்கு சென்று வருகின்றன

தற்போது மீன்பிடி தடைகாலம் முடிந்து விசைப்படகுகள் மீண்டும் கடலுக்கு சென்று வருகின்றன. இதனால் மீன்களை பிடித்து தயாரிக்கும் பணிகள் பெரும்பாலும் தொடர்கின்றன. குறிப்பாக மீன்பிடி தடைகாலத்துக்கு பின் பெருமளவில் மீன்கள் கிடைக்கின்றன. பின்னர் அவற்றில் குடல் மற்றும் தேவையற்ற பகுதிகளை நீக்கி உப்பு கலந்து கருவாடு தயாரிக்கப்படுகிறது.

“பொதுவாக நெத்திலி, சாளை, சீலா, பாறை போன்ற மீன்கள் மூலம் கருவாடு உற்பத்தி செய்கிறோம். நல்ல மீன்களை தேர்வு செய்து, அவற்றில் உள்ள குடல் மற்றும் தேவையற்ற பகுதிகளை நீக்குவோம். அதன் பின்னர் தேவையான அளவு உப்பு சேர்த்து சில மணி நேரம் முதல் ஒரு நாள் வரையிலும் ஊற வைப்போம். உப்பானது மீன்களை பாதுகாப்பதுடன் சுவையூட்டுகின்றன. உப்பு ஊறிய மீன்கள் சுத்தமான உலர்த்தும் தளங்களில் பரப்பி, பல நாட்கள் நன்கு வெயிலில் உலர்த்துவோம். போதுமான அளவு ஈரப்பதம் நீங்கிய பிறகு கருவாட்டின் தரத்தை பரிசோதித்து விற்பனைக்கு அனுப்புகிறோம். இதன் மூலம் ஆயிரக்கணக்கான மீனவர்களுக்கு வேலைவாய்ப்பு கிடைக்கிறது,” என்று மீனவர்கள் கூறினர்.

இந்தியாவுடைய மீன்கள் வெளிநாட்டில் விரும்பப்படுகின்றன

இங்கு தயாரிக்கப்படும் கருவாடு வெளிநாடுகளில் மக்கள் விரும்பி சாப்பிடுகின்றனர். அங்கு தேவை அதிகமாக இருக்கும்போது உற்பத்தியை பெருக்க முடியாத நிலை ஏற்படுகின்றது. மீன்பிடி தடைகாலம் முடிந்து விசைப்படகுகள் மீண்ட